عصيتك يارب

[

عصيتك يارب

وانا ليك مجرد

ذَرَّة في مُلْكَكْ

صُغَيَّرْ حقير

عصيتك يا خالق

يا رازق يا عاطي

وأمري وحياتي ومماتي بإيديك

عصيتك يا أكبر

من الكون بحالو

وإنت الجليل

ولا نِدْ لِيك أو شبيه أومثيل

وأكبر كبير

عصيتك يا مالك

جميع الممالك

ومُلْكْ الملوك

في بحرك وبَرَّكْ

دا فاني وهالك

وأنت العظيم القوي القدير

عصيتك وتقدر

بأمرك تاخدني

في لحظة إليك

عصيتك وأمري

بين كاف ونون

كن فيكون

عليك شئ يسير

وبعصاك واجاهر

في باطن وظاهر

وتُسْتُر عَلَيَّا

صغيره وكبائر

ولحظة م بندم

بتغفر وترحم

وتصفح لعبدك

ذنوبو الكتير

عصيتك ياربي ومبتنسنيش

ولو عني تغفل

مقدرش أعيش

أنا ملك أمرك

وغيرك مليش

برغم الخطايا

في ساعة البلايا

بقولها يارب

ولو أستغيث مافي غيرك مُجِيرْ

عصيتك وكِرْهِتْ فِعَالِي الجبال

وقالت سماءك وأرضك محال

بياكل في رزقك

ومانع لشكرك

دا موتو حلال

قوام كان كلامك وردك عليهم

وقُولت أتركوهم

لأنك أَحَنْ

علينا ياربي

من حنان أم بولدها الصغير

لا يوم عني تمنع

بذنبي عطاك

ورغم إن عارف

مليش غير سواك

برجع وناسي

وأعود للمعاصي

وبتزيد همومي

وفيها بقاسي

ودايما يا ربي

بحالي بصير

بترزقني دايما

وشكري لغيرك

وبأنسى صلاتي

وهَاجِرْ لنورك

لكنك ياربي

ما تمنعشي خيرك

وأخاف من عبادك

ملامة وعتاب

لو أغلط معاهم

أشوف العذاب

لكنك يا قادر

لذنبي غفور

وكل إم أجيلك

بتقبل رجوعي

وتمسح ذنوبي

بنزلة دموعي

وبلقا الْهِدَايَه

في لحظة ضياعي

ولا تْمِلْ مني

لأنك رحيم

وخالق بخلقك

يا ربي عليم

وتغفر وتغفر

لِنَفَسِي الأخير

وهو الكريم يرد اللي جايلو

برغم المعاصي بيغفر عمايلو

وعارف بإنو ملوش رب تاني

وآخر مطافه إليك المصير

جميله بجد
جزاك الله خيرا

السلام عليكم ورحمة اللة وبركاته ماشاء الله ولاحول ولاقوة الا بالله كلام جميل احسب انه من قلب صادق كتب ماعاش وعبر عن نفسه وغيره رحمك الله وزادك اخى الكريم ولاتحرمنا من ذلك

نور إسلامي كتب:: جميله بجد
جزاك الله خيرا

جــــزانا واياكم يارب

wishingparadise كتب:: السلام عليكم ورحمة اللة وبركاته ماشاء الله ولاحول ولاقوة الا بالله كلام جميل احسب انه من قلب صادق كتب ماعاش وعبر عن نفسه وغيره رحمك الله وزادك اخى الكريم ولاتحرمنا من ذلك

وعليكم السلام ورحمه الله وبركاته

اولاً: بنرحب بحضرتك معانا فى المنتدى
وان شاء الله هتسفيدى وهتفيدينا
جمعنا الله واياكم على حوض نبيه

وفى انتظار جديد موضوعاتك ومشاركاتك

سلالام عليكم حد يعرف تليفون او اى وسيلة للاتصال باستاذ مصطفى حسنى ؟؟؟؟؟؟؟؟؟؟؟؟

» يارب يكفينى انك انت ربى
» فما ترى يارب فيما ترى
» مبرووووووووووووووووووووووووووووك وعقبال يارب 100 سنه
» يارب بعفوك ارتجي وبنورك اهتدي
» اقبلنى يارب ::::