صور الزواج المعاصر .. متجدد بإذن الله

حديثنا اليوم عن الزواج والمشاكل التى تترتب

قبل وبعـــد الزواج


فى البداية نتكلم عن صورة الزواج القائم على إختيار الطرفين
المشهور بالحــــب

غالباً يكون هذا النوع فى فترة الجامعة وهى فترة الرعونة

يعتمد الشباب سواء كانو رجال أو نساء

على القشور والمظاهر

ولا ينظرون إلى الموضوع بنظرة أخرى بعيداً عن المشاعر الملتهبة

يصر كلاً من الطرفين على التمسك بالأخر

مهمـــا كانت الظروف

دون حسبان لما بعد الزواج

وطبعاً كلنا عارفين الأسطوانة المشروخة

لو ماتجوزتش فلان هموت نفسى

لو ماتجوزتش فلانه مش هاتجوز خالص
طبعاً كل ده كلام فارغ وربما تزوج الاتنين بمجرد

فصل تلك العلاقة
وإذا تمت الزواجة نراهم يعيشون فى هيام وقمة النشوى فى شهر العســل

كما يزعمون

بمجرد نزول الرجل إلى ساحات العمل وتغيبه عن البيت أكثر من تسع ساعات

تكاد المرأة تكل وتغضب

هي كانت متخيلة صورة تانية خالص وهما مخطوبين كانو بيكلمو بعض بالساعات ف التليفون

ولما كان بيروح عندهم بيفضل مبلط عندهم

يروح يفطر ويمش بعد ما يتعشى ( طبعاً بالطرد )
هي صراحة بتتفاجئ بكل ده قاعده لوحدها بتاع عشر ساعات بين أربع حطان

طبعاً بعد ما بتبهدل التليفون مكالمات صحابها وبابا وماما وكده

طبعاً زهقانه وقرفانه تعمل ايه تحضر الأكل وتخش تنام

العريس بقى جاى من الشغل طول اليوم

ياعينى متمرمط

يرجع هو من الشغل وهو فى طريقه للبيت متخيل صورة تانيه

طبعاً هو منهك طول اليوم دفاتر ومقابلات وواحد ضرب فى بمبه

والمدير مزعقله ومخصوم منه يومين

والمواصلات زحمه وممكن يكون اتنشل

ده غير انه جرى حوالى اتنين كيلو وراء الميكروباص علشان يلحقه

(حاجه تقرف)

يتخيل بقى انه بمجرد دخوله البيت هيلاقى النور الخافض

هدوء
رومانسية

يدخل ربما يجد الهدوم بتاعته لسه موجوده ف الصالة

يبتدى يتحرق دمه

ايه ياهانم انت نايمه كمان وسايبه البيت يضرب يقلب

فين السم الهارى و.....و....و......و......
طبعاً كان هو بيكلمها وهى صاحيه من النوم طبعا من غير ميكــــب
وبتزعق وصوتها مسمع العمارة

دى عيشة تقرف

والله لو مش عجباك العيشة طلقنى


وطبعاً مش هقول النتيجة لأنها معروفة


.................................

أنتظرونا

وصورة أخرى من صور الزواج

اللهم آمين
تشرفت بتواجدك الكريم