رسالة لكل شاب تعبااااااااااااااااااااااان جدااااااااااااااا .. بإذن الله فيه حل ..

لو وقفت مع معظم الشباب دلوقتي واتكلمت مع أي شاب ودردشت معاه شوية وبدأت تكلمه عن حياته وعلاقته بربه
هيقولك انه نفسه يتغير ويبقى كويس بس اهم عائق واقف قدامه في طريق التغيير ده هو فتنة النساء
البنات اللي موجودين في كل مكان دلوقتي ..
في الشارع.. في الجامعة ..في التليفزيون ..في النت.. في الجرايد ..في كل مكان..
وهي دي فعلا أكبر فتنة هتقابل الشباب مش في الزمن ده ..بل في كل الازمنة ..
قال رسول الله :
( ما تركت بعدي فتنة أضر على الرجال من النساء )
متفق عليه
وطبعا كان لازم الموضوع يتطور ويودي على المواقع والافلام الإباحية والعادة السيئة ..
والبحر ده غرقان فيه كتيييييييييير من شبابنا إلا من رحم الله ..
علشان كده .. كان لازم نمد ايدينا ليهم ونعرضلهم الوسايل العملية والفعالة بإذن الله للتخلص من الحاجات دي ..
كان لازم نقول لكل شاب .. إجمد يا بطل .. وخليك أسد..


:::.. خلّيك أســـد ..:::

=============

محتويات الكتيب

=============


مش قااااااادر !!

رسالة لكل شاب تعبااااااااااااااااااااااان جدااااااااااااااا
لكل شاب غلبان بمجرد نزوله للشارع بيفاجأ بمناظر ربنا بس وحده أعلم بيها..!
لكل شاب لقى نفسه فى عالم كله مليان بناطيل وبديهات وعري وكليبات..!
بقوله ..حاسس بيك يا حبيب قلبي..
وصدقنى هتقدر..أيوه هتقدر..هتقدر تقاوم وتغض بصرك
أصل مين اللي أمرنا بغض البصر ؟؟
ربنا سبحانه وتعالى
وأكيد ربنا مش هيأمرنا بحاجة غير وهو يعلم إننا هنقدر نعملها .. صح ولا أنا غلطان ؟؟
تعالوا نناقش الموضوع ده..

**************

مفيش فايدة !!!!

بقالي بقالى سنييييييييين ومفيش ذرة تقدم فى حياتي ..!!
أنا عمال أرجع لورا لحد ما وصلت للحالة اللي أنا فيها دلوقتي دي !
مشكلتي كلها مع الأفلام الإباحية والعادة السيئة !!
مش لاقيلها حل .. أنا بقيت مدمن للحاجات دي !!
حاولت كتيييييير أبطل ولكن كل مرة أفشل وأرجع أسوأ من الأول كمان !! مفيش فايدة !!
مش عارف أعمل إيه ؟؟ بجد مش عارف ؟!!
? ومن قبل ما تقولي أي نصيحة ..
أنا عارف كويس إن اللي بعمله ده حرام !
بس مش عارف أغير أي حاجة فى حياتي !
أنا مش وحش للدرجة ..جوايا خير والله ..نفسي أبطل أتفرج على البلاوي دي .. نفسي ربنا يهديني ..
بس أنا عارف كويس إنه مش بالأماني ..عارف !
المشكلة إنى عارف ، بس مش قادر أتغير نهاااائياً..!!
قريت كلام كتيييييييير جداً ..وبرده مفيش فايدة !
سمعت دروس للشيوخ أكتر مما تتخيل ..!
أسمع الدرس وأتأثر فعلاً وأبكي ..وأنوي خلاص إني هتغير .. وبرده مفيش فايدة ..!
يادوب ميكملش يوم ولا يومين أو حتى كام ساعة وبرجع زى ما كنت ؛ بل أسوأ .. !!
? أنا قلبي مش بقى قاسي .. أنا قلبي مات خلاص!
من جوايا عارف كويس إني لو مت وأنا بتفرج على المصايب دي هدخل جهنم حدف !
بس والله غصب عني ..مش قاااااااااااااااااااااااادر !!
جربت كل حاجة وبرده مش قادر!
أعمل إيه ؟؟؟؟؟؟؟؟؟؟

**************

خلّي بالك .. هتشهد عليك !!

اللي إنت متعرفهوش ؛ إن عينك اللي إنت عمال تبص بيها علشان تمتعها ، هي اللي هتشهد عليك يوم القيامة ! قال تعالى :
(حَتَّى إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ) فصلت:20
ياترى هيبقى موقفك إيه ساعتها لما عينك تشهد عليك وتقول على كل حاجة إنت شوفتها بيها ؟؟!
ياترى عينك هتشهد وتقول إييييه ؟؟؟
إنت بتخاف على نفسك من أي فضيحة في الدنيا ؛
ليه تعرض نفسك للفضيحة على الملأ قدام جميع الخلائق يوم القيامة ؟؟؟؟

علشان كده بقولك إنك لازم تاخد خطوات عملية على أرض الواقع علشان تمنع نفسك إنك ترجع تاني للمعصية دي !



**************

لتحميل نسخة PDF من الكتيب

لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم


**************
وبفضل الله..سعر الكتيب في الجملة.. 35 قرش..
ولو حد هياخد كمية 1000، فيما فوق هيبقى السعر 30 قرش كمساهمة في التوزيع الخيري..
اي حد عايز اي كمية..يتصل مباشرة بدار النشر...وهما هيوصلوله الكمية اللي هو عايزها لحد باب البيت..
للتواصل:

دار النعيم للنشر والتوزويع
ت : 0103418784


وأنا كلمت الاخ المسئول ..
وقالي ان معندهمش مشكلة في عدد الكتيبات ..الدار هتوصل اي عدد فوق الـ 100 لأي مكان بإذن الله..
بس هو مش عايز يكلف الشخص فلوس على الفاضي..
بمعنى ان مصاريف شحن ال100 كتيب هبقى 7 جنيه..
وفي نفس الوقت مصاريف شحن ال2000 كتيب 7 جنيه..
فهو يقصد ان اللي عايز يشتري ،يجمع مع اصحابه ويطلبوا مرة واحدة علشان ميتكلفوش مصاريف شحن كل شوية..

والأخ أكد لي انه مش هيتاخر في طلب أي حد لاي كمية فوق ال 100 كتيب زي ما ذكرت ..
ولو حصل أي مشكلة مع اي حد عايز اي كتيبات من المكتبات وخاصة مع الاسعار يتصل بالدار ويقولهم ..


ولكن عايز أنبه على شئ مهم بخصوص أسعار الكتيبات في المكتبات..
المكتبات العادية محدش يقدر يتحكم في السعر اللي بيبيعوا بيه ..
وغالبا هما بيبيعوا معظم الكتيبات بنص جنيه لو حضرتك هتشتري عدد صغير زي 20 او 30 ..
انما بإذن الله لو حضرتك هتشتري عدد كبير ..اتكلم مع صاحب المكتبة وخليه يعمل تخفيض ولو مثلا يبقى الكتيب بـ 40 قرش..
والأفضل لو هتشتري عدد كبير تتصل بدار النشر..



ولو حد عنده مشكلة مع الدار ..يقولي أنا هنا في المنتدى في المواضيع بتاع الكتيبات وانا هكلم الدار على طول بإذن الله ..


-------------

اخر نقطة:


برجاء نشر الموضوع..انت مش متخيل انك ممكن وانت قاعد في مكانك وبتشرب شاي تاخد ثواب متحلمش بيه طول عمرك..ازاي؟؟؟
لو نشرت الموضوع..وواحد قرأه وراح اشترى الف نسخة مثلا ووزعهم..كانك انت اشتريت ووزعت وثوابك نفس ثوابه بفضل الله..
يقول النبي :
(من دل على خير فله مثل أجر فاعله)
اوعى تضيع على نفسك الثواب العظيم ده..