قصة صاحبتي مع خطيبها !

صاحبتي دي كلكوا تعرفوها وممكن تكون صاحبتكوا انتوا كمان
اسمعوا القصة لللآخر بس

صاحبتي من المنتدى " م.ن" اتصلت بيا وهيا منهارة من العياط
{ودة الحوار اللي دار بينا }

- اهدي بس يا يا حبيبتي وفهميني بالراحة في إيه ؟؟
- اتخانقت أنا وأحمد {خطيبها}
- ليه حصل إيه ؟؟
- فاكرة فرح سارة صاحبتي اللي قولتلك عليه
- أيوة فاكرة قالك متروحيش
-( بصوت متقطع من كتر العياط) أص ..... أصل ..... أنا رو..حت
- بالراحة بس يا بنتي كل حاجة وليها حل
- حل إيه بس أصله عرف ....( عياااط ) .....عارفة يعني إيه أكذب على أحمد ....أحمد حبيبي (عياط أكترررر)
- مممممم طيب اهدي هنفكر سوا وان شاااء الله تتحل متعمليش في نفسك كدة
- أهدى إزاي دة عايز يسييبني أنا مش هقدر أعيش من غيره مش هقدررر
أهون عندي أموت ولا إني أعيش من غيره أنا لازم أصالحه بأي شكل
هو عدى مواقف كتير ليا قبل كدة بس شكله مش هيعديها المرة دي

- أنا هعدي عليكي بكرة إن شاااء الله وعلشان خاطري هدي نفسك
- خلاص مااشي
- سلام يا حبيبتي
- سلاام

قفلت وقاعدة أفكر في حل للمشكلة دي
لقيت ماما بتنده

{ودة الحوار اللي دار بيني وبين ماما }

-أيوة يا ماما
- تعالي
- حاضر جاية أهو
في إيه يا ماما مالك شكلك زعلان كدة ليه ؟؟
- أختك وجوزها اتخانقوا تاني
- ليه تاني بس !! بصراحة هو كويس معاها جدااا ومش مقصر في أي حاجة
- ما هي مكسوفة أووي من تصرفاتها معاه يعني الراجل عداه العيب
كل اللي تعوزه بيعمله من غير ما تطلب حتى
مفروض تشيله في عينيها
- عندك حق والله يا ماما بس مفهمتش برده إيه اللي حصل ؟؟- جه امبارح من الشغل لقى البيت مش نضيف والأكل مش جاهز زعق وزعل علشان مش أول مرة أختك تعمل كدة
- آه ما هي غلطانة وراها إيه ؟
- المهم هيا قالت النهاردة عامله تورتاية كدة وحلويات منضفة البيت ع الآخر علشان تصالحه
دي منامتش من امبارح علشان تجهز الحاجة دي
- طيب الحمد لله ربنا يهديهم لبعض


,,,,,
( صوت من التلفزيون )

الله أكبر الله أكبر
أشهد أن لا إله إلا الله
أشهد أن محمدا رسول الله

,,,,,

يلا يا ماما نقوم نصلي

,,,,,

السلام عليكم ورحمة الله وبركاته / السلام عليكم ورحمة الله وبركاته

,,,,
قعدت كدة على السجادة أفتكر الموقفين اللي حصلوا النهاردة

صاحبتي اللي ممكن تموت نفسها علشان خطيبها سابها
لأنها كذبت عليه مرة واتنين وعدى بس خلاص فاض بيه

وأختي اللي جوزها بيجيبلها كل حاجة من غير ما تطلب
ومنامتش من امبارح علشان تجهزله حفلة حلوة تصالحه بيهاا

يا ترى كام مرة عصينا ربنا ومندمناش ولا قولنا لو ربنا مش هيسامحني هموت نفسي !!

يا ترى كام مرة قصرنا في عبادتنا ونمنا طووول الليل مطمئنين عادي
!!

بدل ما نسهر طول الليل ندعي ونقيم الليل علشان ربنا يغفرلنا
لما بنذنب ذنب
بنحاسب نفسنا ؟؟
بنعاقب نفسنا ؟؟

آخرنا نعمل إيه نقول أستغفر الله العظيم
طيب بنقولها أصلا واحنا نادمين
وناويين منعملش الذنب دة تاني
ولا بنردد وخلاص

لما بنعصي ربنا بنعيط و نحس
ان الدنيا وحشة علشان ربنا مش راضي علينا وبنعصيه
ولا عادي ؟؟

ربنا اللي ادانا كل النعم دي من غير ما يقولنا لو مأطعتونيش هحرمكوا من كل حاجة
الرحمن الرحييييم
اللي بيقبل توبة العبد لو ذنوبه أد الجبال

ممكن نذل نفسنا لخطابنا علشان يسامحونا بعد ما يعلمونا الأدب
ونذل نفسنا لأزواجنا علشان يسامحونا بعد محاوووولاااااااات

لكن مش بنذل نفسنا لربنا ليه
؟؟!!!
ربنا اللي مش بيقولنا لازم تتعلموا الأدب علشان متعصونيش تاني
أنا هعذبكوا شوية وبعدين أسامحكوااا

~| لأ والله |~

ربنا بيقولنا غير كدة

يقول الله أنا عند ظن عبدي بي وأنا معه حين يذكرني والله لله أفرح بتوبة عبده من أحدكم يجد ضالته بالفلاة ومن تقرب إلي شبرا
تقربت إليه ذراعا ومن تقرب إلي ذراعا تقربت إليه باعا وإذا أقبل إلي يمشي أقبلت إليه هرولة‏.‏

وبيقولنا إيه كمان

قال الله تعالى إذا تقرب إلي العبد شبرا تقربت إليه ذراعا وإذا تقرب إلي ذراعا تقربت إليه باعا
وإذا أتاني يمشي أتيته هرولة

يااااه إيه الرحمة والعظمة دي
استني لسه .... اسمعي

يقول الله تعالى أنا عند ظن عبدي بي وأنا معه إذا ذكرني فإن ذكرني في نفسه ذكرته في نفسي وإن ذكرني في ملأ ذكرته في
ملأ خير منهم وإن تقرب إلي شبرا تقربت إليه ذراعا وإن تقرب إلي ذراعا تقربت إليه باعا وإن أتاني يمشي أتيته هرولة‏.‏

يقول الله من عمل حسنة فله عشر أمثالها أو أزيد ومن عمل سيئة فجزاؤها مثلها أو أغفر ومن عمل قراب لأرض خطيئة ثم لقيني
لا يشرك بي شيئا جعلت له مثلها مغفرة ومن اقترب إلي شبرا اقتربت إليه ذراعا ومن اقترب إلي ذراعا اقتربت منه باعا ومن أتاني
يمشي أتيته هرولة‏.‏

عن أنس بن مالك قال: سمعت رسول الله يقول:
قال الله: يا ابن آدم: إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء
ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة.


يعني ربنا بيقولنا كل دة واحنا معرضين ومش عايزين نقرب منه
بنقرب من كل الناس وربنا لأ !!!!




قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ {الزمر:53}
{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ}
[البقرة: 186].

صدق الله العظيم



القصص اللي حكيتها دي مش حقيقية من وحي الخياااال
مفيش " م.ن" ولا أختي اللي عاملة حفلة ولا ماما اللي زعلانة ولا حاجة



بس هي واقعية وبنشوفها كتيير أوووي
يااريت الموضوع يكون مفيد



~| أحبكم في الله |~

عايزين ذلنا يبقى لله وانكسارنا وضعفنا لله العظيم وحده

"اللهم اجعل عملنا كله صالحا واجعله لك خالصاا
ولا تجعل لأحد غيرك منه شيئا يارب العالمين "

منقووووووووول