إنا لله وإنا إليه راجعون.. توفى اخونا عمر صلاح

اللهم اغفر له ولجميع موتى المسلمين
الذين شهدوا لك بالوحدانية
ولنبيك بالرسالة
وماتوا على ذلك
اللهم اغفر لهم وارحمهم
وعافهم واعف عنهم
وأكرم نزلهم
ووسع مدخلهم
واغسلهم بالماء والثلج والبرد
ونقهم من الذنوب والخطايا كما ينقى الثوب الأبيض من الدنس ..
اللهم وجازهم بالإحسان إحسانا
وبالسيئات عفوا وغفرانا
حتى يكونوا في بطون الألحاد مطمئنين
وعند قيام الأشهاد من الآمنين
وإلى أعلى علو درجاتك سابقين
وبجودك ورضوانك واثقين ..


اللهم ارحمنا إذا صرنا إلى ما صاروا إليه
تحت الجنادل والتراب وحدنا
برحمتك يا أرحم الراحمين

برحمتك يا أرحم الراحمين ...

ربنا يرحمك يا عمر يا رب

من كلام عمر صلاح رحمه الله
عـُمر صلاح - والله والله والله اللى بيقرب من ربنا مش بيفوته حاجه بالعكس بيزيد عليه أحساسه إن ربنا راضى عنه


عـُمر صلاح - ذي الأيدي كل واحد يفكر فى مراد ربنا ورا أفعاله ويبتدى يتحرك و يصلح حواليه.. البلد دي بتاعتنا كلنا يعنى اللى يقدر يعلم الناس يعلم.. اللى يقدر يأكل الناس ولو مرة في السنة يأكلهم.. انت دورك تحسن من نفسك و تدرب نفسك انت و صحابك و اهلك.. وحط لنفسك هدف انك تبقى أحسن.. كده ماشى فى الطريق الصح.. "مشاركة لعـُمر صلاح في منتدى مصطفى حسني" اللهم تقبل

عـُمر صلاح - ذي الأيدي الواحد قبل ما يطالب اهله بسلوك لازم يكون هو بيعاملهم بالسلوك ده.. يعنى مثلا اللين والرفق ..انت عايز اهلك يعملوك بلين ورفق وما يبقوش شُداد عليك؟؟ هل أنت بتصحى الصبح تروح تبوس ايد مامتك؟ انت بتروح تطبطب عليها لما هى تكون مضيقه؟؟ انت بتعاملها بلين ورفق؟ ممكن احنا نكون مقصرين فـ (إن الله لا يغير ما بقوم حتى يغيروا ما بأنفسهم

عـُمر صلاح - ذي الأيدي صراحة احنا كلنا بنقول بنحب ربنا.. و المسجد ده بيت ربنا.. واما بندخله يبقى فعلا بنحب ربنا .. وعشان كده أما بندخل بيت ربنا بنستريح... لانك لما بتدخل بيت حد بتحبه بتبقي مطمن ومستريح وكده.. تخيل ولله المثل الأعلى أنت داخل بيت ربنا حاسس انك تحت ظله مفيش حاجة ممكن تحصلك :)


عـُمر صلاح - ذي الأيدي أنا عايز اتكلم عن الآية " رِجَالٌ لا تُلْهِيهِمْ تِجَارَةٌ " ساعات الواحد لما نيجي نكلمه عن المسجد وكده اول حاجة بتيجي في دماغه موضوع الرزق وكده ممكن اسيب الشغل بتاعي او الحاجة الي انا بعملها؟!! فالكل خايف علشان وقته فربنا قالنا
"لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ وَاللَّهُ يَرْزُقُ... مَن يَشَاءُ بِغَيْرِ حِسَابٍ"
فاكيد ربنا مش هيخلف مدام وعد


عـُمر صلاح - ذي الأيدي الطاعه ليها اثر بردوا.. لما الواحد بيعمل حاجه كويسه والله بيحس بحلاوه كده فى قلبه رهيبه

عـُمر صلاح - ذي الأيدي بحس إن الواحد اللى مش عارف يمشى صح ولا غلط، كأنه واقف عى طرف حفرة وصديق السوء واقف تحت فى الحفرة وبيشده لتحت، يا إما يستسلم لأصحاب السوء يا إما يفضل صابر لحد ما يلاقي صحبة صالحة ويدور عليهم علشان يشدوه وميوقعش فى الحفرة..



عـُمر صلاح - ذي الأيدي بصراحه الواحد اشتاق.. والله فعلا مش بتمنى الموت.. بس اشتقت انى ابقى قاعد كده ماورايش حاجه :) وابقى مستريح.. وان شاء الله باذن الله لو ربنا كتب لى انى ابقى منعم فى القبر.. قولوا امين :)