ايوة هي غلطانه...طب وانت ؟؟

بسم الله الرحمن الرحيم

السلام عليكم ورحمة الله وبركاته

تعالوا معايا نتفرج على الحوار التالي

محمد: السلام عليكم ورحمة الله وبركاته ..ازيك يا احمد؟

احمد: محمدددد وعليكم السلام........الحمد لله تمام انت ااخبارك ايه؟

محمد :الحمد لله بخير .......مشوفتكش بتصلي معانا في جماعه الظهر ليه؟

احمد: هي الجماعه خلصت !!

محمد: اها خلصت انت مسمعتش الاقامه ولا ايه

احمد :لا مسمعتهاش .......اصلي كنت بكلم مع البت منى وبقولها مش بتصلي ليه وسايبه الشيطان ماسكها كده الشله دي كلها كده محدش بيصلي الوقت بوقته

محمد: هي بردو اللي الشيطان ماسكها

احمد :هههههههه منا هروح اصلي دلوقتي يعني ......لكن هي ممكن متصليش الا لما تروح البيت عشان بتقول عندها محاضرات

وال ايه هتروح تشتري لمامتها طالبات بعد الجامعه هههههههههههه شوف يا اخي حركات البنات دي تلاقيها ولا تعرف شكل المطبخ عندهم

محمد: لا حول ولاقوة الا بالله ياخي اتقي الله ما تتكلمش على حد في غيابه........كفايه غيبه بقي

احمد: حاضر يا سيدي ....مع ان شله البنات بتاعت منى دي يستاهلوا اكتر من كده

محمد : يسلام ولما هما مش عاجبينك طول اليوم واقف معاهم وعمال تتكلم وتحكي وتسمع

احمد:وهو انا اللي روحت كلمتهم اول مرة هما اللي طلبوا مني محاضرة وبعدين طب هات رقم موبايلك ويتصولوا يقولولوا نخرج

انا الحمد لله مش ببتدي بحاجه وهما اللي عايزين كده.......وبعدين انا مبقولش لواحده فيهم اكتر من انهم اخواتي وبس

محمد:اخواتك!!! وهو انت ترضى كده لاخواتك

احمد :والنبي يا محمد بلاش الكلمتين المحفوظين دول ما انت عارف اللي فيها اهو كلام وبنقوله اخوات ومش اخوات يعني هو الكلام بيلزق......وبعدين انا
اخواتي متربين وانا متابعهم كويس ومش محتاج انك تقلقني عليهم

محمد: طب قول لااله الا الله محمد رسول الله ومتحلفش بغير الله تاني بلاش والنبي دي.... و لو واحده في البنات اللي تعرفهم قالتالك انا مش بحس انك اخويا وانت غالي عليا والكلام ده

احمد: حاضر ياسيدي لا اله الا الله محمد رسول الله ...بالنسبه للبنت بقي يبقي خير وبركه هههههههه هكسفها يعني

محمد :وبعد كلامك ده عنهم ترضى تتجوز واحده منهم؟.

احمد: اتجوز مين يا عم هههههههههه ال اتجوزها ال بس هريحها ومش هقولها لاء واهم كلهم كام سنة ونخلص الجامعه وبعدها هي مش هتعرفلي طريق اصلا دا لو مفشكلناش قبل ما نخلص كليه يعني ايوة هي غلطانه...طب وانت ؟؟ Icon_biggrin

انا اللي اتجوزها يا محمد دي تكون بنت زي الفل ابيض يا ورد ..... متكلمتش مع حد قبلي ولا حد بعدي بنت اصول ومتدينه وبتخاف ربنا تتقي الله فيا وفي اسرتها مش تقولي شله منى
يراجل بلا قلبت دماغ..............
...............................................................
بيتهيالي كفايه الحوار لحد كده مش محتاجين نسمع اكتر منه
في الحقيقه انا عارفه ان اي واحد يسمع الكلام ده او يقراه اول حاجه بتيجي في باله (منى وشلتهم دول ربنا يهديهم .....هي اللي عملت في نفسها كده ...... كل الولاد بيفكروا كده اللي يصاحبها مش ممكن ابدا يتجوزها ........انا بردو لو اخويا احب انه يجوز واحده بنت حلال)
بس النهارده مش عايزين نتكلم عن منى وشلتها وتصرفاتهم اللي وصلت نظرة الناس ليهم تبقي كده
انا عايزة اتكلم عنك انت يا غالي علينا(يا احمد)
ازاي ترضى انك متكونش ليك شخصيه؟؟؟؟؟؟؟؟؟!!!!!!!!

كلمة توديك وكلمه تجيبك..........لا وايه فاكر انك انت اللي مافيش زيك
ايوة انت مالكش شخصيه وكمان مش فاهم دينك واعذرني على كلامي بالطريقه دي
بس دي حقيقه ...هي اللي بدأت بالكلام معاك تبقي هي اللي غلطانه وانت مالكش دعوه ........طلبت رقم تليفونك ادتهولها هي اللي غلطانه وانت ملكش دعوة
زادات الاتصالات .........بنطمن على بعض زماله يعني .......هستناك في الكافيه بعد المحاضره............. (ما احنا قولنا هي اللي غلطانه)
طيب نخرج سوا .....طيب اخد رايك في مشكلتي.......على اساس اننا اخوات ......(صح يا احمد مش انتوا اخوات بردو !!)
طيب فيها ايه لما نهزر سوا .......(.هي اللي عايزة تهزر تستحمل هزاري بقي)......يا ستي وفيها ايه لما اضربها واحنا بنهزر مهي زي اختي (بقى بزمتك هي زي اختك يا احمد!!)
فجأتك النهارده الصبح انا محتاجاك جمبي متتخلاش عني و وتشابك العيون والايدي (موسيقي هاديه في عقلها)(ضحكه سخريه في عقلك) يووووووووو مهي اللي طلبت منكونش اخوات
هي دايما غلطانة ......وانت طبعا(طبعا انا ماليش دعوة ).........لا انت غلطان اكتر رررررررر بكتير منها
انا !! انا !!!!!!!!

نسيت .....نسيت قول الله تعالى:بسم الله الرحمن الرحيم(مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ( صدق الله العظيم
كل كلمه بتقولها ليها او لغيرها بتتحاسب عليها
مش عشان هي بدأت الكلام .....وبتتكلم في كلام ملوش لازمه انت كمان تبقي زيها...فين اخلاقك ؟؟ فين دينك ؟؟ فين شخصيتك؟؟؟!!!!
نسيت.....نسيت قول الله تعالى)وَإذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ(
(يسلاااااام طب وانا مالي بقي هي اللي مش محجبه .... هو اللي بيلبسوه ده اسمه حجاب بردو)
طيب انا معاك هي مش محجبه لكن الايه مقلتش هي لازم تكون محجبه .....افترض انها غير مسلمه واضطرت للحديث معاها
يبقي ايه الحل ؟؟؟ عشان تنفذ كلام ربنا حبيبك سبحانه وتعالى ويكون من وراء حجاب..........الحل انك تغض البصر
مش تقف تكلمها (ده في حاله وجود متاع يعني حاجه مش كلام عمال على بطال) وعينك مفتوحه على اخرها

ونسيت ........نسيت قول الله تعالى " ينساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا"
وطبعا الكلام لنساء النبي وتبعا له لنساء الامه جميعا
الكلام في التليفون من غير ضرورة يعتبر اخضاع في القول .......(طيب وانا مالي قولي للبنات ......وبعدين حتى لو هي اخضعت في القول انا مش من اللي في قلوبهم مرض والحمد لله)
طيب وليه لما واحد يكلم اختك في التليفون........دايما بيكون ظنك انه من اللي في قلبه مرض....وطبعا بتمنع اختك من الكلام معاه
(انا اختي متعملش كده ولو عملت اكسر دماغها)
تكسر دماغها ليه بقي؟؟ انا اقولك ليه لان المسلم لازم يتقي الشبهات رسول الله صلى الله عليه وسلم يقول:

" "إن الحلال بين و الحرام بين ، وبينهما مشتبهات قد لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب" "

رواه البخاري ومسلم .
وانت كمان لازم تتقي الشبهات وقلبك يبقي صافي لله
طب انا بخلي بالي من اختي هي بقي اخوها مش بيخلي باله منها ليه ؟؟؟))
نسيت .....نسيت ان اصلك
عن أنس بن مالك رضي الله عنه خادم رسول الله صلى الله عليه وسلم قال : ( لايؤمن أحدكم حتى يحب لأخيه ما يحب لنفسه ) ، رواه البخاري و مسلم .

يعني زي ما انت تحب ان اختك محدش يكلمها ولا يهزر معاه ولا يلمسها .....حب كمان لاخو زميلتك ان محدش يعمل كده لاخته (اللي هي زميلتك )
انت مش عايز تبقى مؤمن ولا ايه !!!!!!!!!!!!!

فكر بحياديه ....وبلاش تتضيق تفكيرك ......وبلاش تنسي دينك وربنا عشان متبقاش زي الاخ ده اللي في الايه الكريمة
قالى تعالى :
"ومن أعرض عن ذكري فإن له معيشة ضنكا ونحشره يوم القيامة أعمى (124)قال رب لم حشرتني أعمى وقد كنت بصيرا (125) قال كذلك أتتك آياتنا فنسيتها وكذلك اليوم تنسى (126) .
صدق الله العظيم

والكلام ده كله كمان ينطبق على اللي بتكلمهم في النت .....مش بس البنت اللي بتتكلم ولد في النت هي اللي غلطانه كمان الولد غلطان زيها بالظبط .....وخلي بالك لو مليار واحد غلط ...كل واحد بيتحاسب على ذنوبه.

انت مش محتاج اني اقولك ادله اكتر من كده........احنا بس عايزينك تبدا تفكر صح عشان انت غالي علي الاسلام اوي........واكيد هتوصل للي يرضي ربنا

بس عايزة اقولك حاجه في الاخر ........
متصدقش انك ممكن تفضل تعمل كل اللي الغلط ده وتظلم البنات دي كلها باسم الاخوة والزماله وفي الاخر تتجوز بنت الحلال الي معرفتش حد قبلك
دا ربنا يمهل ولا يهمل والطيبون للطيبات
البنت المسلمه المؤمنه المتوكله على ربها اللي امبتطلبش من ربنا غير الزوج اللي يتقي ربنا فيها مش ممكن ترضى بواحد بيغلط بالشكل ده.........وربنا مش هيرضلها بواحد كده ..الا لو كان ابتلاء من ربنا سبحانه وتعالى ليها عشان يجازيها في الاخرة كل خير......
...ترضى تكون ابتلاء على زوجتك ؟؟؟؟؟؟؟!!!!!!!!

تفتكر واحد بيفكر زي احمد كده بيتقي ربنا؟؟؟؟؟؟؟ حتى لو ناس كتير بتقولك انت ولد ومن حقك تعمل كل حاجه .
متصدقش عشان انت مسلم وعندك عقل وعندك قران كريم وسنة شريفه متسبش نفسك للشيطان وتقول كل الناس كده مافيش حد هيغني عنك من الله شئ ابدا
وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُم مَّا خَوَّلْنَاكُمْ وَرَاء ظُهُورِكُمْ وَمَا نَرَى مَعَكُمْ شُفَعَاءكُمُ الَّذِينَ زَعَمْتُمْ أَنَّهُمْ فِيكُمْ شُرَكَاء لَقَد تَّقَطَّعَ بَيْنَكُمْ وَضَلَّ عَنكُم مَّا كُنتُمْ تَزْعُمُونَ (94)

قال سبحانه : { وان تطع اكثر من في الارض يضلوك عن سبيل الله } ، وقال سبحانه : { وكثير منهم فاسقون } ، وقال سبحانه : { وإن كثيراً من الناس عن آياتنا لغافلون } ، وقال سبحانه : { ومـا أكثر الناس ولو حرصت بمؤمنيـن)

بس في ايدك انك تتوب وترجع لربنا........بس لازم تتوب وتعترف انك عملت غلط وطبعا شروط التوبه معروفه(الاسلام – الاخلاص لله – الاقلاع عن المعصيه-الاعتراف بالذنب- الندم على ماسلف من الذنوب-رد المظالم لاهلها - وقوع التوبه قبل الغرغره- قبل طلوع الشمس من مغربها)

واوعى تنسى وصيه الرسول صلى الله عليه وسلم في خطبة الوداع(فاتقوا الله في النساء
حديث صحيح رواه الشيخان في الصحيحين عن النبي صلى الله عليه وسلم من حديث أبي هريرة رضي الله عنه ، قال صلى الله عليه وسلم : {استوصوا بالنساء خيرا فإنهن خلقن من ضلع وإن أعوج شيء في الضلع أعلاه فاستوصوا بالنساء خيرا) صدق رسول الله صلي الله عليه وسلم

(رفقا بالقوارير) اللي اي حاجه ممكن تكسرهم ......وياريت متكونش انت الحاجه دي

عذرا على الاطاله بس بجد كان نفسي اقول الكلام ده من زمان دا كلام مش منقول ........لكن مقتبس من حياتنا اليوميه
عارفه طبعا ان تجميعي للادله مش على الوجه الامثل بس دي محاوله عشان نعيد تفكير في افعالنا ولاد وبنات رجال ونساء ......

اللهم اهدى بنات وشباب المسلمين واحفظهم من كل سوء

ايوة هي غلطانه...طب وانت ؟؟ 535567

اللهم آمين
جزاكى الله خير الجزاء
والله عندك حق فى كل اللى قولتيه ده فعلاً اللى بيحصل ونفس الحوار بيتكرر
ربنا يهدى جميع شباب المسلمين
ويرزق بنات المسلمين العفه ووالعفاف ويحفظهم يارب
ربنا يعزك ويبارك فى ضرتك ويثبتك يارب

ايوة هي غلطانه...طب وانت ؟؟ B78de3a12fgg7

ايوة هي غلطانه...طب وانت ؟؟ Jazak-allah-khayra-a5ty

جزانا واياك اخى الكريم

اللهم اهدنا جميعا الى ماتحبه وترضاه

واجمعنا بحبيبك رسول الله عند حوضه

ايوة هي غلطانه...طب وانت ؟؟ 535567

ماشاء الله عليكى اختى نور الجنه بجد موضوع جميل جدا
جزاك الله خيرا وبارك فيكى

ايوة هي غلطانه...طب وانت ؟؟ 200414

» ةاااائل كل سنة وانت طيب
» انا زعلان اوى ...منكم
» لا تنسى وانت ساجد
» كيف تحفظ القران وانت نائم ؟
» جربت تحفظ القرءان وانت نايم ؟؟؟؟؟