الرئيسيةاليوميةالمجموعاتالتسجيلدخول

شاطر | 
 

 اصلاحات قبل رمضان لــ حازم شومان

اذهب الى الأسفل 
كاتب الموضوعرسالة
لبيك ربى
فعال
فعال
avatar

احترام المنتدى :
البلد :
هوايتى :
المزاج :
عدد المساهمات : 218


مُساهمةموضوع: اصلاحات قبل رمضان لــ حازم شومان   الثلاثاء 14 يوليو - 12:57




اصلاح علاقتك بربنا


لازم علاقتك بربنا تكون كويسه عشان ربنا يفتح عليك , الله بيختار لدينه اشد مالاب لما يختار لبنته , واشد مالاخ لما يختار لاخته
وربنا مبيختارش لدينه غير اطهر الناس واحسن الناس واصطفى الناس قلوبا واكثر الناس صدقا فى الاقبال عليه
وعشان ربنا يختارك لازم يبقى فى علاقه بينك وبين ربنا
طب اعمل ايه؟؟؟؟
هديك خمس سنن فى معامله ربنا , اسهل حاجه انك تعامل ربنا , وانك تفوز وان تكسب من معاملتك لربنا
بس عامله صح, طب اعامله صح ازاى؟

عمرك مهتشوف مكسب فى حياتك غير وانت مع ربنا , واللى هيبعد عن ربنا


((وَلَا يَجِدُونَ لَهُمْ مِنْ دُونِ اللَّهِ وَلِيًّا وَلَا نَصِيرًا ))

مش هتعرف الغلب الا لو بعدت عن ربنا
قواعد معامله الله


1-على قدر مقام الله عندك على قدر مقامك عند الله

سيدنا موسى لما قال ((وعجلت اليك ربى لترضى))ربنا قاله ايه((انى اصطفيتك على الناس))
ليه قاله كدا!!
لانه سبق الناس وقلب موسى معظم قدر ربنا فعشان كدا ربنا اختار قلب موسى عن قلوب الناس كلها
هل ربنا عندك اغلى حاجه فى حياتك؟؟!!
مقام ربنا عندك ايه؟

2
-من جعل الله همه كفاه الله هم كل شيئ
يا سلام لو عشت على القاعده دى
((ان الذين قالوا ربنا الله ثم استقاموا)) استقاموا بأيه
بــرجليهم ولا بقلوبهم
اكيد بقلوبهم
استقامت قلوبهم الى الله واستقامت جوراحهم على مراد الله
خلى قلبك يستقيم , خلى قلبك ميلتفتش عنه
طب لما استقاموا الى الله ووحدوا همهم
ربنا اداهم ايه؟
((تَتَنَزَّلُ عَلَيْهِمْ الْمَلائِكَةُ أَلا تَخَافُوا وَلا تَحْزَنُوا))
مبقاش فى حياتهم هم ربنا كفاهم هم كل شيئ

3-لا تلتفت عن الله فيلتفت الله عنك
((فَلَمَّا زَاغُوا أَزَاغَ اللَّهُ قُلُوبَهُمْ))زيغ القلوب هو التفاته عن الله زى مقال شيخ الاسلام ابن تيميه
انك لما تلتفت للدنيا او لاى شهو العقوبه لما بتنزل بتزل على القلب
خد بالك هتلاقى قلبك اتغير ومبقاش زى الاول
ايه اللى ضيع ابليس غير انه التفت عن الله لنفسه<انا خير منه>
وايه اللى خرج ادم من الجنه غير التفاته للشجرة
وانتى ايه اللى هيخرجك من جنه معامله الله والقرب الى الله غير التفاتك الى الدنيا
تقدر ان يكون ليك قلب ميلتفتش عن الله؟؟
تقدر ان يكون ليك قلب يستقيم الى الله ولا يلتفت عنه؟؟

4-لا تؤثر شيئاً على الله فيعذبك الله بها
متؤثرش حاجه على ربنا عشان لما هتتعذب مش هتتعذب غير بيها


((لَّوْلاَكِتَابٌ مِّنَ اللهِ سَبَقَ لَمَسَّكُمْ فِيمَا أَخَذْتُمْ عَذَابٌ اليم)) ربنا كلم المسلمين فى غزوة بدر لما اخدوا فلوس من اسرى بدر ولم يقتلوهم ورجعوهم الى مكه وان ربنا غفر لاهل بدر وقالهم افعلوا ماشئتم لقد غفرت لكم ((لَمَسَّكُمْ فِيمَا أَخَذْتُمْ عَذَابٌ اليم)) يعنى الحاجه اللى انت اثرتها على ربنا مش هتتعذب غير بيها
الشاب اللى بيسيب ربنا عشان خاطر بنت يأما تسيبه او تكرهه او تعذبه او يحصلها حاجه , قلبه اكيد لما يتحطم هيتحطم بسببها


5-لا تبدل فيبدل الله عليك

اسمع الايه دى



((فَبَدَّلَ الَّذِينَ ظَلَمُواْ قَوْلاً غَيْرَ الَّذِي قِيلَ لَهُمْ فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ ))
ربنا هنا بيكلم اليهود ولو كان ربنا قال (( فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ )) مكنش حد حس ان السماء مفيده او غابت فى السياق
طب ربنا قال السمــــــاء ليه!!!
مهو مفيش كلمه فى القرأن الا وليها دور خطير فى المعنى
طب ليه ربنا قال(( فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ )) لان الايات اللى قبلها لو خدت بالك انها جايه من السماء
المن والسلوى , والغمام اللى مضلل عليهم ومغطيهم جاى من السماء
كأن لما بدلوا ((فَبَدَّلَ الَّذِينَ ظَلَمُواْ ))ربنا بدل عليهم
يعنى مصدر الامن هو بقى مصدر الرعب , يعنى مصدر الرزق هو مصدر الفقر , يعنى مصدر الراحه هو مصدر العذاب والعكس فى سورة الفرقان ((: إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ ))


ليه لانه بدل برده مع ربنا بس بدل للاحسن , فربنا قاله شوف عمرك اللى فات وكله معاصى علشانك هخليه كله كأنه طاعه , عشان متندمش على لحظه ضاعت منك بعيد عنى
يبقى انت قبل رمضان هتبدل ولا لا!!!

الاصلاح التانى : اصلاح علاقتك بالقرأن



اخر مرة وانت بتقرا بالقرأن حسيت بأيه؟
بكيت قد ايه؟
ياترى لما بتقرأه قلبك بيبكى قبل عنيك ولا لا
يا جماعه لما بقرأ قصص الانبياء فى القرأن بقول هى الناس دى عملت ايه عشان ربنا
واجى ابص علينا احنا
مش هقول استغفارنا محتاج لاستغفار
لا قيامنا نفسه محتاج لاستغفار
والتزامنا كله محتاج لاستغفار

الاصلاح الثالث: اصلاح حال قلبك مع الله



((يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ ))
من ضمن اسباب نزولها ناس قالت لو يفتحوا باب الجهاد واحنا نجاهد ولما جت غزوة احد اللى نزل من ع الجبل واللى فر
فربنا بيقولهم ((((يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ ))
طب هل دول كانوا كدابين
المفسرين قالوا لا , الانسان ممكن يوصل لمستوى ايمانى عالى جدا فى فترة ولاكن لا يتعهد ايمانه ولا يحافظ على ايمانه
وايمانه ينزل
يا اخوانا لو محافظتوش على ايمانكم اللى فى قلبوكم هيروح منكم
طب اعمل ايه عشان احافظ على قلبى

1- وحد غذاء قلبك

2-فرغ قلبك لله
الاصلاح الرابع: اصلاح الهم والهمه




اصح حديث ورد فى سورة الصف
لو انا نعلم احب الاعمال الى الله لعملناه
ربنا ينزل جبريل للنبى وينزل الايه ((يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ * كَبُرَ مَقْتًا عِندَ اللَّهِ أَن تَقُولُوا مَا لا تَفْعَلُونَ))
الدين مش بتاع كلام
احب الاعمال الى الله اللى انت تقدر تعملها ومتاحه ليك
الكلامنجى ده مغبوط عند ربنا
طب اذا كان اللى قال نفسى اعمل ومعملش مُقت عند ربنا
اومال اللى معندوش رغبه فى نصرة الاسلام


عدل سابقا من قبل شيماء في الثلاثاء 14 يوليو - 13:28 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لبيك ربى
فعال
فعال
avatar

احترام المنتدى :
البلد :
هوايتى :
المزاج :
عدد المساهمات : 218


مُساهمةموضوع: رد: اصلاحات قبل رمضان لــ حازم شومان   الثلاثاء 14 يوليو - 13:23

الاصلاح الخامس: اصلاح لياقتك الايمانيه وعزيمتك واستعدادك للمجاهده


ابو بكر هو ابو بكر من اول اسلامه , مقدمش رجل واخر رجل فى عبادته
البطل بطل من اولها , (وَلَن يَتِرَكُمْ أَعْمَالَكُمْ ) الموتور الحقيقى اللى مقامش الليل امبارح واللى راحت عليه تكبيرة الاحرام
ده اللى فعلا فى مصيبه الحقيقيه
ربنا لما وصف المؤمنين قال (كَأَنَّهُمْ بُنْيَانٌ مَرْصُوصٌ)
ولما وصف المنافقين قال( كَأَنَّهُمْ خُشُبٌ مُّسَنَّدَةٌ)

الاصلاح السادس : اصلاح هدفك


ايه هدفك قبل رمضان بشهر ونص
دى حصيله السنه كلها

الاصلاح السابع: البنيه الاساسيه لدينك



تسمع الاذان قول لبيك اللهم لبيك وتسيب اللى فى ايدك فورا وتتوضى وتنزل تصلى عشان تاخد ثواب حجه
التلبيه الفوريه ده اختبار من ربنا سبحانه وتعالى ليك
ربنا بيختبرنا خمس مرات فى اليوم
يا ترى هتلبى النداء ولا هتقوله خمس دقايق وجاى يا رب
مش ربنا اللى يتقاله خمس دقايق
مين يعاهد ربنا واول ميسمع الاذان يسيب كل حاجه فى ايده ويروح يصلى


الاصلاح الثامن : اصلاح جوارحك



يا جماعه احنا اذنبنا يإيدينا وبعنينا وبكل جوراحنا
ياريت نستصلح كل جوارحنا قبل رمضان
لازم نتوب بكل جوراحنا عشان ندخل رمضان بجوارح طاهرة مطهرة

الاصلاح التاسع : دينك يكون اغلى حاجه عندك فى حياتك


من اسباب سورة الممتحنه
فتاه ضحت بكل شيء عندها عشان خاطر دينها
ام كلثوم بنت عقبه ابن ابى معيض ابوها اكفر الخلق والعياذ بالله واخواتها صناديد فى الكفر والعياذ بالله
وهذه الفتاه تفضل كاتمه اسلامها فى قلبها وبترفض كل عريس بيتقدملها عشان خاطر دينها لحد صلح الحديبيه
تقررانها تهاجر من مكه للمدينه لوحدها
وتسيب اهلها جميعا
ربنا سمى السورة بأسمها
ده الامتحان اللى هى اتعرضت له

الاصلاح العاشر : اصلاح قيام الليل والدعاء


عشان لما تقف قدام ربنا فى التراويح هتلاقى رجلك وجعتك وتركيزك كله هيكون مع وجع رجلك وامتى الامام يخلص
هتتكسف من نفسك اوى وهتحس بالخزى
ربنا مديك 11 شهر فرصه عشان تصلح حال قلبك معاه

وانتظروا باقى اجزاء اصلاحات رمضان

وصلى اللهم وسلم وبارك على سيدنا محمد

والحمد لله رب العالمين






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور الجنه
مشرفه
مشرفه


احترام المنتدى :
البلد :
هوايتى :
المزاج :
عدد المساهمات : 292
العمر : 33

اوسمه العضو :
الحاله : احمد الله

مُساهمةموضوع: رد: اصلاحات قبل رمضان لــ حازم شومان   الأربعاء 15 يوليو - 10:50

جميل جدا ياشيماء ربنا يبارك فيكى يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لبيك ربى
فعال
فعال
avatar

احترام المنتدى :
البلد :
هوايتى :
المزاج :
عدد المساهمات : 218


مُساهمةموضوع: رد: اصلاحات قبل رمضان لــ حازم شومان   الأربعاء 29 يوليو - 11:40

ربنا يبارك فيكى يارب

اللهم علمنا بما ينفعنا وانفعنا بما علمتنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اصلاحات قبل رمضان لــ حازم شومان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
غدا نلقى الاحبه :: حمله موعدكم الحوض :: موعدكم الحوض-
انتقل الى:  
المواضيع الأخيرة
» ** تصــــــــدق **
الجمعة 1 يونيو - 22:16 من طرف المدير العام

» إذا هبَّت رياحك فاغتنمها ،،،
الجمعة 1 يونيو - 22:05 من طرف المدير العام

» اجمل مافي الحيــــاة
الجمعة 1 يونيو - 1:07 من طرف المدير العام

» نصف رمضان قد ذهب
الجمعة 1 يونيو - 0:59 من طرف المدير العام

» د/ مصطفى محمود ::
الجمعة 1 يونيو - 0:53 من طرف المدير العام

» اللهم آميـــــــــــن
الأربعاء 30 مايو - 22:53 من طرف المدير العام

» يا باغى الخير اقبل
الأربعاء 30 مايو - 22:47 من طرف المدير العام

» اقبلنى يارب ::::
الأربعاء 30 مايو - 22:39 من طرف المدير العام

» ليس هناك دعاء مخصوص بكل يوم أو ليلة من رمضان .
الإثنين 28 مايو - 23:56 من طرف المدير العام

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 96 بتاريخ السبت 26 ديسمبر - 9:38
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط غدا نلقى الاحبه على موقع حفض الصفحات

قم بحفض و مشاطرة الرابط غدا نلقى الاحبه على موقع حفض الصفحات