نقطة دم تنقذ حياة طفل .. دعما لحملة معهد الأورام

أخى .. أختى



كيف حالكم جميعا ..


انا حبيت اعمل الموضوع دا فى هذا القسم من باب دعم حملة معهد الاورام و عشان ننشط تانى فى دعم مرضى
الاورام و السرطان و غيرهم من اللى محتاجين قلوب تشفق عليهم و تحس بمعاناتهم و خصوصا

الاطفــــــــال ..



الموضوع الموجود فى القسم فعلا بتاع دعم حملة معهد الورام ..

و اللى الحمد لله كان فيه تجاوب كبير من الشباب الغيور اللى بيحب فعل الخير و يخدم دينه ..


كان بخصوص التبرع بما نستطيع من اموال فى حسابات المعهد لدعمه و مساعدته فى اداء رسالته فى خدمة
هؤلاء المرضى و المحتاجين ..


لكن مش كلنا معانا فلوس نقدر نتبرع بيها و ندعم المعهد و هؤلاء المرضى ..

لكن كل واحد فينا يملك حاجة تانية بيحتاجها المرضى دول ..

الا و هى ..


















دمـنــــا

ــــــــــــــــــــــــــ

طبعا لا يخفى عليكم مدى احتياج هؤلاء المرضى و خصوصا اطفال السرطان و انيميا البحر المتوسط للدم
باستمرار عشان يقدروا يكملوا حياتهم و يمارسوها بشكل طبيعى زينا كلنا ..

انــت متـــخــيــــل دا؟؟؟


كيس دم واحد تتبرع بيه من جسمك ..

يكــون سبــب فـى حيــاة انـســـان ..


تذكر قول الله :
( من أحياها فكانما أحيا الناس جميعا )



متخيل عظم الاجر و الثواب ؟؟!!!!


مستنى ايه ؟؟؟


مكسل تروح تتبرع و لا مشغول معندكش وقت و لا خايف من شكة الابرة ؟؟!!!

ــــــــــــــــــــــــــ

اخى الكريم ..

اختى الفاضلة ..


تخيل لو الطفلة دى

أو الطفل دا

اخـوك .. او ابنـك .. او قريبـك ..


و محتاج لواحد يتبرع بالدم ليه و مش لاقى اللى يتبرعله ..

او مش معاه 100 او 200 جنيه يشترى بيها كيس الدم زى ما هو حال الكثير من هؤلاء المرضى ..

هيكـون موقــفك ايه و شـعــورك ايه وقـتــها ؟؟؟

ــــــــــــــــــــــــــ


اخوانى و اخواتى

نعمة الصحة اللى ربنا انعم بيها عليك دى لا تقدر بثمن و اكيد انت عارف

فعليك انك تأدى واجب شكرها .. و انك تعيش آلام اللى محرومين منها و تساعدهم باللى تقدر عليه ..

عشان لا قدر الله حصل و اتعرضت للموقف دا و احتاجت لحد .. فتلاقى ربنا بيساندك و بيبعتلك اللى يقف جنبك
و يمد لك يد العون ..
ــــــــــــــــــــــــــــــــــ

انا كتبلى ربنا انى روحت مرة مستشفى اطفال الدمرداش و شفت بعينى حجم المعاناة اللى عايشها الاطفال دول
و اهلهم ..

مهما احيكلك مش هتتخيل الموقف غير لما تروح و تشوف بنفسك ..

وقتها هتحس بمدى معاناتهم .. و كمان هتحس بحجم نعمة ربنا عليك ..
ـــــــــــــــــــــــــــــــــــ



الاطفال فى انتظارك فى مستشفى الدمرداش - معهد الاورام - مستشفى سرطان الاطفال

انا عن نفسى تجربتى كانت مع مستشفى اطفال الدمرداش ..

لو حبيت تتبرع فبنك الدم هناك فاتح 24 ساعة ..

و عشان يوصل الدم مجانا للأطفال فعليك انك تتبرع بيه لصالح جمعية شريان


ــــــــــــــــــــــــــــــــــ

فى اطفال كتييير فى انتظارك و محتاجينك ..

املهم فى ربنا كبير ..

انه يشفيهم و يبعتلهم اللى يقف جنبهم و يساعدهم ..



ليه متكنش انت ..

مين عــــارف ؟؟


ليه متكنش انت السبب اللى ربنا يسببه لمساعدة هؤلاء الاطفال المساكين ؟؟


اوعا تكسل .. اوعا الشيطان يضحك عليك و يصغرلك العمل دا ..



و تذكر دائما

و لا تحقرن من المعروف شيئا

و لا تحقرن من المعروف شيئا

و لا تحقرن من المعروف شيئا
ـــــــــــــــــــــــــــــــــــ




اتمنى يكون هذا الموضوع نواة لحملة كبيرة للتبرع بالدم لصالح الاطفال المرضى مجانا ..


و يا ريـــت ..

لو نواظب كلنا على هذا العمل ..
مع العلم ان ممكن كل واحد يتبرع بالدم سنويا من 3 الى 4 مرات فقط ..

المرة مش هتاخد منك اكتر من ساعة ..

يعنى 4 ساعات فى السنة بس من وقتك ..


لـــكـن ..


4 ساعات يكونوا سبب بفضل الله فى استمرار حياة اطفال كتييير و انهم يعيشوا حياتهم و يتمتعوا
بطفولتهم و يكون منهم شباب يخدم دينه و يعلى من شأنه ..
ــــــــــــــــــــــــــ

فى انتظاركم يااا

ابـطـــال الخــيــر ..